Frauen BayernligaFrauen

Ja aiso a zu 10. für a paar Minuten hammas easy gspuid. Und da Schiri war ja a no großzügig und hod a wengal mehra spuin lassn. Trotzdem hamma de 3 Punkte dahoam eigfahrn und des hamma verdient gmacht und feierns. Sauba Mädls

Abpfiff der Begegnung

Okay de Stern Mädls hinter uns ham glab i de Relativitätstheorie zu Ernst gnumma und song das drei Minuten ned langan. Laut eana müssens mindestens no 15 bis 20 Minuten nachspielen

Und dann glei wieder Aufregung. Oane werd gfoult, alle schrein, aber Vorteil. Und dann Freistoß vo Stern. Aber der Boi war echt schee zum fanga

Sophie Daumoser (19) für Lena Greimel (2)

Lena geht naus und Sophie kimmd nei. So jetz nomoi Gas gem

I glab de gehn auf a Festival oder wieso ham die a Sternbrille auf? Ach de spuin do. Und ja sie san vorbereitet beim Wechsel aber hod beim Freistoß nix ghoifa. Tine war wieder do

I woas ned wos de drunga ham aber Uhr lesen und Spui seng hams glab i verzerrte Wahrnehmung. Es san koane 10 Minuten mehr sondern 6 und klar besser sans a ned. Vera hods fast zua gmacht. Deckel drauf Abfahrt

Emily Kirsch (3) für Vera Funk (14)

Emily derf ned nei weil koa Unterbrechung gab. Stark gspuid. De Sternfans song ja mia spuin Kreiklassen Niveau usw. I dad moi song 4 Punkte vor euch und de 5 Minuten hods a zu zehnt für eich glangd.

Ja stark Vera aber a a geile Parade von da Keeperin vo Stern. Und jetz Ecke. Guad gmacht Vera

So jetz cooling break. Na schmarrn Verletzungsunterbrechung. Ja saggra Alina grod drin und scho am Boden. Aber ned raus aiso zum Glück nix schlimmeres bassiad

Alina Jungwirth (22) für Helena Altenweger (5)

So Helle geht naus und Alina kimmd nei. Guad garbad Helle jetz hosd da a Jackn und a Bier verdient.

Tor für FC Stern München I

Ja des is nix. De ham an Freistoß am eigenen 16er und schlong na weit vor und dann issa hoid oafach drinnen. Naia madig aber des hoasd nix. Dann haun ma eana hoid no oans nei. Auf geht Mädls

Beginn der zweiten Halbzeit

So jetz amoi kurz no an Glückwunsch. Max ois guade du Lump. Immer gute Fahrt aber i hob scho ghead das in da Gemeinde Forstern und Pastetten scho Gummibam pflanzt hom. Auf jeden Foi ois guade zum Geburtstag und dasd gscheid gfeiert hosd hob i ghead.

Halbzeit der Begegnung

Und des war a Zwickl für de oane vo Stern. Übern Zaun und schauma moi welcher Außenspiegel leiden hod miasn

Tor durch Veronika Auer (11)

Sauba Vroni. I vertrau aufs Adlerauge vom Eicher und sog dasd as du warst. Schee vorbei an da Keeperin und dann einfach eigschom. Do drauf hoi i ma spada no a Hoibe.

Aiso wenn a foischer Freistoß kostn dad dann warad des perfekt fürd Mannschaftskass gwesn. Aber guad. Jeder hod seine eigenen Strafen. Vielleicht muas ja dann de andan von Stern 5 Maß oder so zoin. Tipp von mir nehmts as in Strafenkatalog auf

Tor für FC Forstern

Aiso vo da andan Seitn hammas leider ned gseng wers gschossn hod aber sau guad wars gmacht. Irgend a voigrengde Forsternerin. Aber grod griag i de Meldung aufs Ohr das Vera anscheinend war. Aiso sauba Vera ned amoi da Reng konn di stoppen. Sauba

Aiso vui geht ned. Paar guade Retungsaktionen und ja sonst is wia da Reng. Plätschert so dahi aber schee is ned. Hoff ma das besser werd

Und glei scho a Lattentreffer vo uns. I glab do woid wer auf Wirtz macha. Oder es flutscht oafach weils nos is wiad Sau. Aber egal guada Start scho glei

Anpfiff der Begegnung

Aiso richtigs Aprilwetter. Heid Mittag no schee und jetz rengds wiad sau. Aber vielleicht schwoam mas so wia da Reng uns weg